வருத்தப்படாத வாலிபர் சங்கம் படத்திற்குப் பிறகு சிவகார்த்திகேயன், ஸ்ரீதிவ்யா ஜோடி மீண்டும் காக்கி சட்டை படத்தில் இணைந்திருக்கிறார்கள்.
இந்தப் படத்தை இயக்கியிருக்கிறார் துரை செந்தில்குமார். படத்திற்கு இசையமைத்திருக்கிறார் அனிருத். காக்கி சட்டை படத்தை தனுஷ் தயாரித்துள்ளார். இந்தப் படத்தின் மோஷன் போஸ்டர் இன்று வெளியானது. அதில், புழுதியைக் கிளப்பிக் கொண்டு வரும் ஜீப்பில் அடியாட்கள் சிலர் வருகிறார்கள்.
அந்த சாலையின் குறுக்கே சிவகார்த்திகேயன் தனது ராயல் என்பீல்ட் புல்லட்டில் ஒய்யாரமாக நின்று கொண்டிருக்கிறார். காக்கி பேன்ட் வெள்ளை சட்டையுடன் நிற்கும் சிவகார்த்திகேயனின் சட்டை சில இடி மின்னல்களுக்குப் பிறகு காக்கி சட்டையாக மெல்ல உருமாறுகிறது. அதுவரை சிரித்த முகத்துடன் நின்று கொண்டிருந்த சிவகார்த்திகேயனின் முகம் சட்டென சீரியஸ் முகமாக மாறுகிறது. ரசனையான கிராபிக்ஸ் வேலைகளில் ரொம்பவே ரசிக்க வைக்கிறது காக்கி சட்டை படத்தின் மோஷன் போஸ்டர்.
